297sports y Tele Aruba cu programa

ORANJESTAD – Despues di varios luna di planificacion 297sports conhuntamente cu Tele Aruba ta cla pa lansa nan programa Deportivo nobo Na Mesa cu Andrew y Seever. Den e programa Na Mesa lo combersa cu nos atletanan local como tambe invitadonan special. “Na Mesa” un programa deportivo cu lo trata diferente topico cu sugerencianan valioso na e progreso di nos atleta, dirigente y organisacionnan di deporte. Na banda di esey lo tin storianan impactante como tambe concientisa nos comunidad pa biba un bida saludabel.

E idea a nace despues di e cobertura maratonico cu Tele Aruba hunto cu colaboracion di 297sports a haci den Crossing For Hope unda a dicidi pa sigui traha hunto y bini cu un otro concepto di deporte na television cu nos ta custuma cune.

Prome invitado Sra. Sandra Brown 

17031_ennia_banner_reis_468x60px_eng

E prome filmacion a wordo realisa den museo Nicolaas Store na San Nicolas. Como prome invitado “Na Mesa cu Andrew y Seever” lo tin nada menos cu Sra. Sandra Brown, mama di nos astro pelotero di Boston Red Sox, Xander Bogaerts. A elabora cu Sra. Brown e bida di un mama soltero cu a traha y lucha duro pa e exito di su yiunan.  E lauching oficial di e programa “Na Mesa cu Andrew y Seever” lo ta Diasabra 16 di maart pa 1or di merdia na Tele Aruba canal 13.

 

Source: NoticiaCla http://www.noticiacla.com/news/15338

LEAVE A REPLY