A dura 100 aña pa caba cu mapa geologico di Reino Hulandes

17031_ennia_banner_reis_468x60px_eng

Pa prome biaha di existencia di Reino Hulandes, awo porfin e islanan Aruba, Corsou, Boneiro, St. Eustatius, St. Maarten y Saba, a haya un luga riba e mapa geologico di Hulanda. Shen aña pasa a aparece pa prome biaha e mapa geologico, sin e ex colonianan. E islanan di Caribe tampoco no a aparece den e ultimo version cu a aparece na 1975.

Riba e mapa cu e Servicio Geologico di Hulanda (cu ta forma parti di TNO) a presenta, ta mustra un Reino completo. Director Tirza van Daalen di GDN a bisa: “E mapa geologico nacional ta un hecho peculiar. Despues di 43 aña tin un mapa nobo, pero no solamente di Hulanda, pero di henter Reino. E geologia di e parti Caribense di Reino tambe ta inclui riba e mapa menos sistematico di Hulanda Europeo. Pero door di incorpora e area Caribense riba e mapa, GDN ta papia di e intento aki cu pa den futuro lo pone mas atencion ariba. Nos ta hopi orguyoso cu por a trece e empeño y experticio di nos colaboradornan por inmortalisa e mapa nobo aki.”

Meta di e mapa aki ta pa brinda un cuadro geologico pa e calculacion di potencial fuentenan geologico y e eventual riesgonan geologico. Den e parti Caribense tin por ehempel dos volcan activo cu ta duna chens pa temblor y tsunami y e horcannan tropical por hiba na labadera, inundacion y movecion di tera.

 

Source: 24ora http://24ora.com/a-dura-100-ana-pa-caba-cu-mapa-geologico-di-reino-hulandes/

LEAVE A REPLY