Accidente fatal entre auto y brommer na Shaba

Diahuebs pa mas o menos 3:30am a sosode un accidente serio entre un auto marca Nissan modelo Sentra color blauw cu number A-43141 y un motorcycle marca Suzuki modelo Hayabusa color blanco na altura di e compleho di tiendanan situa na Shaba, na Noord. E auto a lora dilanti e auto cu consecuencia cu a dal den otro.

17031_ennia_banner_reis_468x60px_eng

E impacto tabata asina fuerte cu e auto a saca tanto e chauffeur como e pasahero afo. Bomberonan a core yega na e sitio hunto cu Polis y Ambulance pa brinda asistencia. A topa un situacion sumamente grave! Bomberonan a yega mesora pasobra e auto a keda riba un di e victimanan.

Un rato pasa Ambulance a transporta 1 di e 3 victimanan for di e sitio. Paramediconan ta menciona cu su situacion ta critico. Cu urgencia a sali pa Hospital, unda Dokternan na Spoed Eisende Hulp ta warda riba nan.

Eybou a nota cu a tapa chauffeur di e motorcycle y un di esunnan cu tabata den e auto, wardando yegada di Dokter pa constata morto. E paramediconan no por a haci nada mas ora a yega, pasobra ambos no tabata duna señal di bida mas.

Testigonan na e sitio tabata cu awa na wowo indicando cu e motociclista a caba di sali di Hot Shotz y tabata rumbo pa Lekker Bar. Su amigonan tabata biniendo su tras y diripiente a topa e accidente grave aki.

Polis di trafico ta investigando e caso. Condolencia na famia di e fayecidonan.

Source: 24ora http://24ora.com/accidente-fatal-entre-auto-y-brommer-na-shaba/

LEAVE A REPLY