Accion di studiantenan di MAVO malcontento a logra mas cu 100 firma

Riba 22 di Mei ultimo studiantenan di MAVOschoolnan na Aruba, a traha examen di Papiamento.

17031_ennia_banner_reis_468x60px_eng

Tin un descontento hopi grandi entre e hobennan cu a traha e examen di e materia menciona. Un hoben a tuma iniciativa pa cuminsa cu un accion di firma pa asina mustra cu no ta su so ta pensa cu e examen “tabata mucho hopi pa cu e tempo cu nan a haya pa trahe” pero sino mas studiante tambe. E hoben aki a logra colecta algo mas cu 100 firma di hobennan cu a haci e materia aki y cu tambe ta mal contento cu e examen.

Alumnonan di: Abraham de Veer, Colegio San Augustin, Filomena College, Colegio San Antonio, La Salle College, Juliana School, Mon Plaisir College, John Wesley College y tambe OAA a participa den e accion aki.

Lo entrega e firmanan di e accion aki na Inspectie van het Onderwijs hunto cu un carta cu ta demostra nan mal contento. Nan peticion na Inspectie ta: pa haci un investigacion riba e examen of compensa nan den e normering di e examen.

Source: 24ora http://24ora.com/accion-di-studiantenan-di-mavo-malcontento-a-logra-mas-cu-100-firma/

LEAVE A REPLY