Ainda falta como 8 rotonde pa wordo construi den 2019

ORANJESTAD – Falta un total di 8 (ocho) rotonde pa wordo traha ainda, prome cu fin di e aña aki. Asina director di DOW Marlon Croes a bisa e siman aki. Mayoria, si no ta tur, ta parti di e proyecto di Watty Vos Boulevard. Entre nan tin esun na altura di Ling & Sons, e cruzada di Sero Patrishi, esun na altura di Sun Plaza y esun na Alhambra unda cu casi semper tin accidente, esun na altura di Eagle Beach na altura di Oceania, y Bubali Plaz net na e cruzada pa nord di Amsterdam Manor. Tambe lo haci e reconstruccion di rotonde di Santa Elena, y esun di Montaña. Y finalmente esun na e cruzada di Rio Grande. Y ainda falta pa caba tur esnan cu a wordo traha, habri, sino cu nan ta cla ainda. 

CRITICA DEN COMUNIDAD

E noticia di mas rotonde no a cay den bon tera den comunidad, mirando e inconveniencia cu tin cu esnan cu ta traha caba pero cu no ta cla, pa motibo di sea seguridad of planning. Pa loke ta seguridad, a dicidi cu no ta habri tur manera cu mester, sino ta bira un pustamento di auto. Y a opta pa ‘obstaculisa’ cierto di nan intencionalmente cu e baricananan oraño. E otro motibo ta cu segun planificacion ta ora cu nan ta yegando na e parti final, den un solo tiro ta bay caba nan cu mata etc manera cu mester ta. Pues por lo pronto e rotondenan cu a habri, pero cu no ta cla, lo keda asina tambe. 

17031_ennia_banner_reis_468x60px_eng

Source: NoticiaCla http://www.noticiacla.com/news/14788

LEAVE A REPLY