Alexander Kock a bira ganador di e auto AGYA di Garage Cordia/Local Store/Nagico

ORANJESTAD – Alexander Kock ta e ganador di e auto di Garage Cordia y Local Store hunto cu Nagico Insurance, como parti di e campaña di fin di aña. Unico cos mester a haci ta registra riba e website di Garage Cordia, pues no mester a cumpra nada. Kock tabatin un storia interesante pa conta ora cu el a gana. El a bet cu su pareha cu e ta bay gana e auto, y esey a sosode tambe. El a registra riba e website y a bolbe haci esaki na Local Store pa double up su posibilidadnan. Na inicio, ora cu a yama su nomber, e no por a kere cu el a gana e auto. Tabata durante e celebracion dia 30 di December na Local Store, un notario via e tombola, a saca e nomber y Kock tabata presente. Pabien na Alexander Kock cu su Agya nobo nobo! E siman aki mientrastanto Garage Cordia a lansa su campaña nobo, unda cu bo por gana un service di auto gratis pa henter aña.     

Source: NoticiaCla http://www.noticiacla.com/news/14784

LEAVE A REPLY