Aruba ta cla pa su prome “Music Production Workshop”

E mundo di musica ta uno cu ta keda revoluciona y cu semper ta busca talentonan nobo den e industria. Aruba ya caba a demonstra cuanto talento nos isla por tin den e mundo aki y esaki ta e oportunidad perfecto pa nos talentonan den production sigui sinja y demonstra tur nan potencial.

17031_ennia_banner_reis_468x60px_eng

Pa prome biaha na Aruba, nos lo conta cu dos productor sumamente conoci y popular cu lo conduci e gran Music Production Workshop dianan 28 y 29 di Juli.

E prome producer invita ta DOPIE (GETAMILLI) conoci pa entre otro hitnan “Kaya ta hot” di Mason ft Jonna Fraser y tambe “Sin Stress” di Rich. E otro producer invita ta SMURV cu ta forma parti di e grupo di songwriters y producers cu ta cai bou di RXSONGS (Dr. LUKE). SMURV ta conoci pa “Back in the city” di Ty Dolla $ign y su trabou nan pa Kiana Ledé I RXSONGS

E dos topiconan durante e workshop aki ta: How to sample music & Mixing and Mastering 101.  E producer Dopie (Getamilli) lo splica con pa mix un track for di scratch y con pa logra hanja e zonido cu bo mester pa bo tracknan zona cla pa radio.Tambe Lo bo sinja con pa equalize, con pa husa compressor y hopi mas. Smurv lo bai mas den e mundo di music sampling, splikando kiko ta music sampling y kon pa produce un beat hasiendo uso dj e tecnica.

E music production course aki ta pa producer nan cu ya caba ta produci beats, pero cu kier manda nan productionnan na e next level professional na unda bo lo hanja e oportunidad pa scucha y traha riba projectonan di artistanan conoci den e industria.

E 2018 Music Production workshop lo tuma luga riba e dia nan 28 y 29 Juli den Emotions Night Club. E curso lo costa $250 pa persona, I tin cu registra adelanta. Pa mas information por tuma contacto na: IMA.ARUBA@GMAIL.COM of : +297 592 1700! No Perde!!!

 

Source: 24ora http://24ora.com/aruba-ta-cla-pa-su-prome-music-production-workshop/

LEAVE A REPLY