Corte lo scucha polis acusa di a causa accidente mortal di Zinnia Croes

ORANJESTAD – Diahuebs mainta 9’or y mei Corte ta scucha e polis envolvi den e accidente cu a causa morto di e hobencita Zinnia Croes, esta e polis V. “E polis ta wordo acusa di a core di tal manera riba caminda riba 13 di maart 2015 (dia di e accidente), cu tabata su culpa cu a sucede un accidente di trafico den cual un persona (Zinnia Croes) a perde su bida” documentonan di corte ta mustra. E caso ta bin dilanti despues cu e famia a bay corte pa asina exigi pa scucha e polis. Y na januari di e aña aki, corte a duna e famia razon.

E CASO

E sentencia di e caso tabata cu ministerio publico mester persigui e polis envolvi den e accidente cu a causa morto di e hobencita Zinnia Croes algun aña pasa. Abogado pa e famia, Sven Faarup a confirma esaki e diabierna atardi laat na januari pa NoticiaCla. Segun Faarup, tabata un proceso cu nan a cuminsa algun tempo pasa, y awe hof mester a dicta. Y e abogado a confirma cu e sentencia tabata na fabor di e famia. 

17031_ennia_banner_reis_468x60px_eng

Source: NoticiaCla http://www.noticiacla.com/news/12976

LEAVE A REPLY