Dama chofer a bay haci un “u-turn” pero a “blind” ora ela bira cara pabao y a bay dal riba un palo di luz

Diaranzon atardi a drenta informe di un accidente cu hende herida abao di Tao Bao na Tanki Flip, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chofer di e Daihatsu Terios bayendo pariba na dado momento a dicidi pa dal un U-Turn y ora a bira cara pabao e solo a “blind” e dama y no a ripara e palo di lus y a bay dal riba dje. E impacto tabata fuerte y e chofer cual ta un dama di edad a dal su cara fuertemente y fractura su nanishi y no por a hala rosea bon. Despues di mas di mey ora e ambulans a yega pa atende e dama y a transporte pa hospital. Esnan presente a keda masha disgusta cu e ambulans a tarda asina hopi y ademas cu un otro ambulans a pasa sin ni sikiera baha check e victima un rato. Pa straño cu e por zona pero hasta nan a comenta cu e personal di Elmar mes a yega promer cu e ambulans.

Source: awe24 http://www.awe24.com/20190213/34755/Dama_chofer_a_bay_haci_un_u-turn_pero_a_blind_ora_ela_bira_cara_pabao_y_a

LEAVE A REPLY