Digicel Group ta felicita e team Special Olympics Aruba pa nan participacion y logro na Special Olympics 2019

Digicel Group ta felicita e team Special Olympics Aruba pa nan participacion y logro na Special Olympics 2019 – Abu Dhabi ORANJESTAD, Aruba – 22 di Maart 2018: Special Olympics 2019 na Abu Dhabi a tuma lugar den un manera masha bunita y exitoso. Algo cu Digicel ta sumamente orguyoso di dje y por bisa cu durante e ceremonia di apertura tawata tin mas di 60mil hende den e stadion na e ciudad di Abu Dhabi cu ta mustra e sosten di mundo henter pa Special Olympics.Dia 14 pa 21 di maart 2019 por a mira 7000 atleta di mas cu 190 pais rond di mundo cu a competi pa trece cas e gloria di nan pais. Aruba a wordo representa den gran forma den e weganan aki di nivel halto. Digicel ta hopi orguyoso di a apoyo continuo cu ta duna na Special Olympics por medio di donacion nan den efectivo, den apoyo di infrastuctura, ayudo cu actividadnan di recaudacion di fondo y mucho mas den tur su mercadonan pa por haci nan participacion posibel.Lincoln Gomez, Director di Digicel aki na Aruba ta sumamente orguyoso di por a sostene e organisacion di Special Olympics for di e prome dia cu Digicel a habri su portanan riba nos Isla. Nan logro na Abu Dhabi ta un muestra di e dedicacion, pasion y compromiso cu e organisacion, famia y Digicel tin cu tur e atletanan aki. Digicel ta para tras di cada un di e atletanan aki y ta felicita nan mayornan y demas famia cu semper a pusha nan pa sigui bai dilanti.Como e principal patrocinador di e Special Olympics Team Aruba, Digicel ta felicita e team di Aruba y ta anuncia e resultadonan inspirador pa e team di Aruba.Trac and field:Miguel Angel Berry – 100 meter run. GOLDMiguel Angel Berry – Long Jump. GOLDYolanda Altagratia Perez – Silver Softball Throw. SILVERJhorzy Arias – Bowling Singles – SILVERJhorzy Arias – Double Bowling – GOLDRashely Wester Diaz – Bowling Singles – SILVERRashely Wester Diaz – Double Bowling – GOLDMildred Every – Woman Single – SILVERJohny Perez – Badminton – Man Single BRONZE.Football – Group 1 – GOLD: E team di football a gana Ijsland den finale 1-0 y e hoben Jean Baptiste Woodeney a sali e goal-getter di e campeonato cu 10 gol den 5 wega hunga.Bolas- Marileen Angela – 4th (Singles)Bolas – Eugene Dirks – 5thE otro 22 paisnan caminda Digicel a sostene atletanan pa Special Olympics ta: Antigua, Barbados, Bermuda, Bonaire, Cayman, Dominica, El Salvador, Fiji, Guyana, Haiti, Jamaica, Nauru, Panama, Papua New Guinea, Samoa, St. Kitts and Nevis, St. Lucia, St. Vincent and the Grenadines, Suriname, Tonga, Trinidad and Tobago y Vanuatu.Masha pabien na henter e delegacion, y cada un atleta cu a participa. Aruba en general PABIEN cu e resultadonan alentador aki, cu tanto logro pa e atletanan y sigur un experiencia inolvidabel pa nos tur. Digicel Aruba lo keda inverti den e preparacion y ayudo necesario pa Special Olympics Aruba por sigui eherce nan deportenan preferi y den futuro sigui participa y promove nos baranca stima, Aruba.

Source: awe24 http://www.awe24.com/20190324/35282/Digicel-Group-ta-felicita-e-team-Special-Olympics-Aruba-pa-nan-participacion-y

LEAVE A REPLY