DOW a cera e caminda na Meiveld pa cuminsa traha e viaduct

ORANJESTAD – Manera previamente anuncia, awe mainta personal di DOW a cera e caminda parcial di Meiveld, pa inicia e construccion di e prome di dos viaduct (overpas) pa e Proyecto Watty Vos Boulevard. Cu baricada a cera esaki y a instala e camindanan alternativa pa automobilistanan por usa.

CAMINDA CERA

Tabata dialuna ultimo cu NoticiaCla a informa esaki caba, esta cu entrante diasabra 12 di januari 2019 lo bay cera Meiveld y 21 di januari 2019 lo bay cera Hato for di 9’or di mainta parcialmente pa construccion di dos viaduct (overpass) en conexion cu e proyecto Watty Vos Boulevard. Lo bay desvia trafico di Pitastraat direccion Caya Maguey via Cocorobana, Aloëstraat y Caya Ernesto Petronia. Trafico di Meiveld direccion Tarabana lo wordo desvia via Cumana, Caya G.F. Betico Croes y visa versa. E trabounan lo tin un duracion di 6 luna largo. DOW y Mota Engil a pidi pueblo di Aruba y tur automobilista pa tene cuenta cu e desviacion ariba e ruta menciona.

17031_ennia_banner_reis_468x60px_eng

Source: NoticiaCla http://www.noticiacla.com/news/14801

LEAVE A REPLY