Francis Ras: WEB ta bezig buscando solucion

17031_ennia_banner_reis_468x60px_eng

Francis Ras ta manager di e departamento tecnico y e ta haciendo estudionan di parti mecanico, kico por ta otro solucionnan fuera di cambia e fuel unicamente. Durante e conferencia di prensa cu WEB a tene hunto cu gobierno, el a conta cu WEB ta bezig di ta buscando solucion.

Pa banda mecanico tin e pipanan na WEB cu basta tempo nan tin nan na un haltura cu internacionalmente tabata permitibel. Pero awor aki cu tin un bisiña cu tin molester di esey, tin un ingeniero civil cu ta biniendo Aruba pa hunto determina, si ta posibel tambe, banda die esfuersonan pa reduci e sulfur, hisa e staafnan un tiki mas, pa asina por alivia e huma cu ta baha door di biento y tambe e stroomnan cu tin durante di e combustion process di e motornan, ta haya cu e gasnan ta sali den cierto velocidad. Tambe ta lo bay haci investigacion riba esey, si por laga e gas sali cu un velocidad mas halto y asina por pasa net over di e area di ASTEC of di APA, e waf na Barcadera y asina limita tambe exposure di e gas na e trahado y stakeholdernan cu ta traha na e waf.

 

E duracion

Duracion di esaki tambe tin cu haci ingenieria. Bo tin cu wak e fundeshi cu tin, si nan ta adecua si of no. Ta rekeri ingenieria, ta rekeri tambe inversion y tambe ta rekeri un tempo mas largo. Pesey tambe a bisa cu ta haci’e paralelo pa toch wak si por yuda cu esey. Ras a splica cu a haci pregunta na nan partner cu ta Warsila. No ta sin mas por hinca scrubbers of filter den e sistema. Nan a wordo diseña cu cierto specificacionnan. No por djis hinca filter den dje. Tambe tin cu bay baha e planta. Pa baha e planta mester di otro ekiponan pa backup. Esey tambe ta rekeri tempo y ingenieria. Tambe e gastonan ta proyectivo. Nan ta bira gastonan sumamente halto cu ta bisa cu miho bo no bay den e direccion ey mes. Miho bay den direccion di baha e sulfur den e fuel oil y na e momento ey ta logra reduci e gas cu ta baha e SO2 cu ta molestiando e personanan, ta bira menos.

 

Biodiesel

E prijs di e mercado lo bira un reto y e logistica di dje bo no ta haya riba mercado. Aruba tin un economia dependiente di awa y coriente y tin cu depende riba suppliernan cu no tin na abundancia manera cu tin awor aki pa diesel y heavy fuel oil. A yega di haci cu companianan local un tryout riba biodiesel, pero riba escla chikito. Esey ta den e vision di WEB pa ta mas berde y mas innovativo. A yega di haci e tryoutnan ey, pero ta tuma hopi tempo y biodiesel un biaha mas, pa trece Aruba ta un challenge. Mester tin tanki, mester inverti den nan. E logistica cu barconan, cu supplier, e ta un bon idea, pero ta tuma su tempo y e ta costa placa.

Source: 24ora http://24ora.com/francis-ras-web-ta-bezig-buscando-solucion/

LEAVE A REPLY