Homber no kier baha fo’i auto despues di a haya lift

Diasabra, banda di 11’or y 45 di anochi, un dama a duna lift na un persona cu e conoce pa basta tempo caba for di un supermercado. Pero e cabayero aki tabata pata pata burachi. Na momento cu e dama a bay puntr’e unda pa bah’e, esaki no por a duna ningun contesta. Dado momento el a cuminsa mishi e señora su cabes, cu a haci cu e señora a spanta. Mirando cu e no sa kico e intencion di e homber aki ta, el a dicidi bay para dilanti di e oficina di dr. Croes na Madiki y a yama polis. Nan a yega mesora y a bin topa cu e homber pata pata burachi sinta den e auto. Na momento cu polis a atende, e homber no por a splica nada, mirando e estado cu e ta aden. A pidi presencia di dogcatcher, cu a transporta e homber pa warda di Playa caminda el a haya un cuarto gratis. E dama alivia por a sigui su caminda despues.

Source: awe24 http://www.awe24.com/20190316/35164/Homber_no_kier_baha_foi_auto_despues_di_a_haya_lift

LEAVE A REPLY