Jose “Jo” Dania a ricibi reconocimento durante Santo Sacrificio di Misa

Dabierna dia 5 di oktober ultimo, durante Santo Sacrificio di Misa, Jose (Jo) Dania a haya un reconocemento for di Pastoor Daniel Szpila.

17031_ennia_banner_reis_468x60px_eng

Esaki ta riba e mes un dia cu señor Dania a cumpli 99 aña.

Pastoor Szpila a remarca cu 99 aña ta hopi pa gradici Dios, pa admira y aprecia. Parokia Birgen di Fatima debe hopi na señorDania, e tabata e cuidado di misa.

Posted by Parokia Birgen Di Fatima on Sunday, October 7, 2018

E tabata tin e yabi di misa, pa varios aña e tabata vigila cas di Dios pa tur cos ta na ordo. Parokia debe señor Dania hopi pa su dedicacion, esfuerso y sacrificio. Ya den su tempo Pastoornan a reconoce grandesa di su entrega y a solicita na Santo Papa un Condecoracion Papal pa señor Dania.

Despues di e condecoracion aki no por tin otro mas importante, pero toch nos kier dun’e un reconocemento humilde di parti di e parokia como aprecio pa su entrega. A entrega señor Dania e percamino di merito cu a entrega na diferente persona di e parokia di Dakota cu tambe a merece esaki pa nan esfuerso y sacrificio.

E percamino di merito ‘Bo Ta Sirbido Bon y Fiel’ ta humilde pero hopi sincero cu hopi amor, admiracion y cu hopi deseonan pa otro aña celebra en grande e di 100 aña di señor Dania.

Cu Dios drama su gracia, dun’e forsa y salud pa logra esaki y cu Dios premia loke señor Jo Dania a haci pa Parokia di Dakota y pa e Misa!

Source: 24ora http://24ora.com/jose-jo-dania-a-ricibi-reconocimento-durante-santo-sacrificio-di-misa/

LEAVE A REPLY