Lectura interesante tocante oceano y lama

UNESCO Aruba, hunto cu Ministerio di Enseñansa, Ciencia y Desaroyo Sostenibel ta organisa un charla importante tocante oceano y lama den Aula di Universidad di Aruba riba 8 october 2018 entre 7.30pm pa 8.30pm. E orador principal lo ta dr. Cesar Toro.

E charla lo ta tocante e sigiente puntonan:

17031_ennia_banner_reis_468x60px_eng

– Proclamacion di Nacionan Uni ariba e Decada di Ciencia Oceanico pa Desaroyo Sostenible (2021-2030);

– E importancia y peligro di laman pa islanan chikito;

– Hende y laman – cambio climatico, polucion;

– Lo duna tambe UNESCO/IOC su punto di bista riba e importancia di planificacion maritimo y parkenan maritimo;

– E importancia di UNESCO/IOC su trabau mundial pa loke ta oceanonan;

– Lo duna un bista riba e designacionan di UNESCO pa areanan maritimo [WH, MAB].

Despues di e charla tin oportunidad pa intercambia ideanan cu representatenan di UNESCO.

Dr. Cesar Toro tin un PhD den Physical Oceanography di Universidat di Quebec na Canada.

Dr. Toro ta specialisa den oceanografia dinamica, e a desaroya modelonan hydrodynamico oceanico, a traja riba adaptacion y mitigacion di cambio climatico, desaroyo sostenible y gobernanza di oceanonan. E a traja tambe pa National Institute of Scientific Research Oceanology na Canada y pa Fugro-Oceanor na Noorwegen. Desde 2001 Cesar Toro ta hefe di IOCARIBE, cu ta e officina regional pa UNESCO/IOC pa Latino America y Caribe. IOC ta e Commision Oceanografico Intergobermental cu a wordo funda na 1960 pa UNESCO y ta e unico organisacion competente pa ciencianan maritimo pa Nacionan Uni. Entre 2009 y 2015 Dr Cesar Toro tawata tambe responsabel pa UNESCO Natural Sciences Programme pa Caribe. Dr. Toro a coordina varios projecto grandi di UNESCO/IOC pa Latino America y Caribe cu fondonan di Banconan di Desaroyo, GEF, EU, NGOs y otro agencianan di desaroyo.

Dr Cesar Toro a contribui na e elaboracion di e strategia di UNESCO/IOC pa aumento di capacidad den Latino America i Caribe relaciona cu Ciencia, Technologia i Innovacion. Dr Cesar Toro tambe ta author y co-author di varios publicacionan incluindo UNESCO’s Report on Sciene – “Towards 2030”.

Source: 24ora http://24ora.com/lectura-interesante-tocante-oceano-y-lama/

LEAVE A REPLY