Medida contra contratistanan chikito tabata necesario

ORANJESTAD – Un medida anuncia October aña pasa di DOW contra contratistanan chikito (esnan cu ta traha banda di caminda) a duna resultado. Esey director di DOW Marlon Croes a bisa diahuebs mainta durante un conferencia di prensa. Danki na e accion aki, e cumplimento di contracto a pone cu menos cu  10% di  contratista chikito ta den incumplimento di nan contracto. 

CONTRACTONAN

Croes a splica cu DOW a firma contract nobo cu contratistanan chikito algun aña pasa, valido pa 5 aña. Entre e stipulacion nobo di contracto tabatin e parti unda cu cada tres luna e contratista mester entrega nan documentonan di prueba cu nan a paga nan ‘sociale lasten’ y salario na nan empleadonan. Di parti di DOW, e director   a admiti cu nan mes (DOW:red) no a haci control rigoroso riba dje, pero a sali di e punto di salida di ‘good governance’ di cada compania. Esey lamentablemente esey no a sosode. 

17031_ennia_banner_reis_468x60px_eng

AANSLAG

A compronde cu hopi di e contratistanan tabata haya aanslagen di DIMP DI mei miyon florin bay ariba, cu ta manca un compania asina. Tabatin kehonan tambe di e trahadonan di e contratista cu nan no tabata wordo paga conforme ley. Y nan tabata bin DOW pa un solucion. Den e proceso ey, como organisacion DOW, no por mete den esey. Pero e ora a bay enforsa e contracto firma cu e companianan. 

ENFORSA CONTRACT

Y na October aña pasa a publica esaki y a duna hende te fin di December 2018 pa cumpli cu esaki. Lamentablemente no ta tur a cumpli cu esaki, y a extende e periodo te cu januari 2019. A mira cu tabatin mas hende a cumpli y a extende esaki finalmente pa fin di februari 2019. Fin di februari a constata cu 25% di e contratistanan tabata falta pa cumpli cu esaki. E ora a introduci e maneho di no work, no pay, te ora cu cumpli cu tur cos. E ora ey e contratista ta haya trabou bek. Esey a keda introduci y awor esaki a cambia te bou di 10%. Pues mayoria ta cumpliendo cu e condicionan. 

Source: NoticiaCla http://www.noticiacla.com/news/15340

LEAVE A REPLY