Minister Otmar Oduber ta desmenti e mentiranan di un periodista encuanto crea un dump na Pos Chikito

Segun Minister Oduber, specificamente un periodista cu ta Nelson Speed Andrade, kende a dicidi di saca informacion cu na ex edificio di DTI na Pos Chiquito lo bay bira un dump. Debi na e informacion cu el a duna, a trece un panico pa henter vecindario. E mandatario a sigui bisa cu na varios ocasion el a splica cu e intencion ta, pa Serlimar muda y bin na e sitio aki pa ta mas central y mas accesibel pa duna su servicio na e pueblo. Pa esunnan cu conoce Serlimar na San Nicolas por sa, cu ora yega eynan mester drenta via un porta den un hanchi chikito y via un glas ta papia cu un persona. Pero na ex edificio di DTI, por tin e posibilidad mas extenso na e servicio cu lo bay brinda. Serlimar pa hopi aña a wordo laga como e baby bandona. Minister Oduber ta kere cu Serlimar mester por drenta den e mundo moderno. Pa loke ta salubridad y e desperdicio di sushi cu mester atende cune, ta mustra cu ta momento pa modernisa Serlimar.

Source: awe24 http://www.awe24.com/20180612/32119/Minister-Otmar-Oduber-ta-desmenti-e-mentiranan-di-un-periodista-encuanto-crea

LEAVE A REPLY