Seleccion nacional di futbol di Aruba mal pega na Antigua

ANTIGUA – Nos seleccion nacional di futbol di Aruba ta mal pega na Antigua/Barbuda unda nan a hunga ayera contra St. Lucia. Asina portal popular di noticia di deporte 297sports ta raporta. Mirando e tipo di avion Boeing 737 8 Max cu nan lo mester a bula cune ta geground, no lo tin biahe. Esaki ta e tipo di avion cu ta bula e ruta Miami – Antigua. Tipo di avion Boeing 737 8 Max ta bou investigacion pa fayo desde dos accidente tragico di cual uno ta recien. Un situacion super fastioso mirando cu for di 3:30 di mainta nos hungadornan ta na airport y sin solucion.

A ser bisa cu te dia 29 maart lo tin e proximo buelo pa Miami. Mas cu claro esey ta demasiado lat pa nos seleccion mirando compromisonan di trabou, otro nan lo mester biaha pa Hulanda ect. Parce nan a manda e seleccion hotel pero pa dos dia sigur no lo tin solucion. 

Source: NoticiaCla http://www.noticiacla.com/news/15418

LEAVE A REPLY